នាព្រឹកថ្ងៃសុក្រ ទី០៨ ខែឧសភា ឆ្នាំ២០២០ ឯកឧត្តម ស៊ឹម កា ប្រធានស្តីទីព្រឹទ្ធសភានៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងពិធីបូជាសពឯកឧត្តម កែវ ធី ទីប្រឹក្សាសម្តេចប្រធានព្រឹទ្ធសភានៃព្រះរាជាណាចក្រកម្ពុជា នៅវត្តពោធិព្រឹក្ស ហៅវត្តខ្ទរ ស្ថិតក្នុងសង្កាត់ព្រែកលាភ ខណ្ឌជ្រោយចង្វារ រាជធានីភ្នំពេញ។
បន្ទាប់ពីដង្ហែប្រទក្សិណសពបីជុំមេរុ និងតំណាងឲ្យក្រុមគ្រួសារសពអាននូវវិយោគកថា និងជីវប្រវត្តិរបស់ឯកឧត្តម ព្រមទាំងគោរពវិញ្ញាណក្ខន្ធរួចមក ឯកឧត្តម ស៊ឹម កា បានអញ្ជើញផ្តល់ភ្លើងបូជាសព ហើយតំណាងក្រុមគ្រួសារសពក៏បានឡើងថ្លែង នូវអំណរគុណដល់ភ្ញៀវកិត្តិយស់ទាំងអស់ដែលបានផ្ដល់កិត្តិយស អញ្ជើញចូលរួមក្នុងពិធីបុណ្យ និងបូជាសពនាពេលនេះផងដែរ។
